Kryetari i Kuvendit të Kosovës, Glauk Konjufca ka thënë se duhet t’u vijë turp deputetëve që vetëm nënshkruhen dhe nuk marrin pjesë në seancë.
Këtë kritikë e bëri për deputetët e VV-së për shkak të mospjesëmarrjes në seanca plenare.
- Advertisement -
“Unë mendoj që duhet t’u vijë turp asaj mazhorance, e cila nuk e ka disiplinën edhe përgjegjësinë në atë nivel, që vetë të mund t’i mbajnë mbi 90 për qind të seancave.
Nëse e ke zgjedhë Qeverinë me 67 vota edhe nuk e ke kapacitetin së paku mbi 80 për qind të deputetëve t’i kesh të disiplinuar edhe të përgjegjshëm që të kalojë ligje, jam kritik edhe ndaj teje, si mazhorancë”, ka deklaruar Konjufca në Ktv, duke shtuar se mazhorancë nënkupton kur je shumicë efektive.