Kroacia do të sigurojë 12 avionë Iuftarakë francezë të përdorur F3R Rafale për të modernizuar forcën ajrore të vendit, njoftoi të premten kryeministri Andrej Plenkoviç.
“Ky është investimi më i madh në Forcat e Ar’matosura Kroate, investimi më i madh në sigurimin e paqes së qëndrueshme dhe sigurisë së qytetarëve kroatë”, tha kryeministri duke iu referuar çmimit prej 999 milionë eurosh.
Plenkoviç tha se data e njoftimit ishte e përshtatshme, pasi Kroacia po shënonte Ditën e Forcave të Armtosura dhe 30-vjetorin e formimit të forcave të saj të armtosura, të cilat luajtën një rol vendimtar në Iuftën për pavarësi 1991-1995.
Në tenderin për të blerë një gjeneratë të re avionësh Iuftarakë, përveç avionëve të zgjedhur francezë, gjithashtu konkurruan një F-16 Block 70 amerikan i ri, një JAS-39 Gripen suedez i ri dhe një F-16 Barak izraelit i përdorur.
Plenkoviç tha se oferta franceze ishte e preferuar sepse “për më pak para, Kroacia merr avionin më të vlerësuar dhe të mirëpajisur”.
Kroacia i pret avionët në fillim të vitit 2024 dhe, sipas Plenkoviç, çmimi prej 999 milionë eurosh përfshin gjithçka: “Avionë, simulatorë, pajisje dhe trajnim të pilotëve tanë të cilët do të qëndrojnë në Francë për dy vjet”. Ai akuzoi qeveritë e mëparshme për “dështimin për të marrë vendime që do të forconin më tej Forcën Ajrore Kroate”.
Kroacia hyri në NATO në 2009.
Kjo ishte hera e dytë që vendi përpiqej të siguronte avionë Iuftarakë. Një blerje e planifikuar e disa avionëve 12 F-16 nga Izraeli dështoi në vitin 2019, me mediat që raportuan se për këtë fajësohej ndërhyrja e SHBA-së.
Ambasada e SHBA-së në Zagreb e mbështet këtë blerje. Ajo shkroi në Twitter se SHBA-ja e “mbështet zgjedhjen e Kroacisë të avionëve Iuftarakë të gjeneratës së ardhshme”, duke shtuar: “Sigurimi i avionëve do ta bëjë edhe më të fortë një aleat të fortë të NATO-s.”/Reporter