Kryeministri i Shqipërisë Edi Rama po qëndron në një vizitë dyditore në Kosovë, dhe vizita e tij po shoqërohet me masa të rrepta sigurie. Stafi i sigurisë së tij, është kujdesur që kryeministri të ketë të veshur edhe anti-plumb gjatë takimeve të tij me liderët politik kosovarë.
Se Rama gjatë vizitës së tij në Kosovë, po mbanë të veshur anti-plumb, kjo vërehet nga xhaketa e tij që i qëndron e fryrë tek krahët.
Por, përveç kësaj, Gazeta Online Reporteri.net, ka arritur të sigurojë edhe foto të tjera që e dëshmojnë këtë. Në dy foto të bëra gjatë akomodimit të tij në Hotelin Swiss në qendër të Prishtinës, para se Rama të filloj takimet me liderët kosovarë, ekipi i tij i sigurisë, shihet duke nxjerrë nga vetura një jelek anti-plumb.
Rama e ka nisur vizitën e tij dyditore në Kosovë, pas njoftimit të nga Gjykata Speciale për aktakuzat ndaj presidentit Hahsim Thaçi dhe kryetarit të PDK-së, Kadri Veseli, shkruan Reporteri.net.
Takimin e parë Rama e ka zhvilluar me drejtues të Nismas Socialdemokrate Fatmir Limajn, e më pas me kryetaren e Kuvendit Vjosa Osmani.
Kjo nuk është hera e parë që kryeministri shqiptar paraqitet i veshur me jelekun antiplumb.