Kryetari i SBASHK-ut, Rrahman Jasharaj, ka thënë se janë të gatshëm për fillimin e vitit të ri shkollor, por me kujdes të shtuar.
Sipas tij, kthimi i tërësishëm i nxënësve në shkolla do të jetë i pamundur.
“Dëshira e mësimdhënësve është që të fillojë viti shkollor në institucione arsimore…Mbase kthimi i tërësishëm i nxënësve në shkolla do të jetë i pamundur. Mendoj se kthimi i pjesshëm në shkolla do të jetë më i qëndrueshmi”, tha ai në RTV Dukagjini.
“Po e them edhe tash se nga takimet që kemi pasur me institucionet, kemi thënë se nëse nuk respektohen protokollet dhe rezikohen nxënësit e mësimdhënësit, atëherë Këshilli Drejtues i SBASHK-ut do të mblidhet dhe mund të merret vendim që një mësim i tillë i rrezikshëm të ndërpritet. Ne jemi për fillim të vitit shkollor, por që ai të jetë i sigurt”, shtoi i pari i SBASHK-ut.
Më tej, ai shtoi se ky vit do të jetë më i vështiri që nga koha e okupimit.
“E kemi një armik të heshtur dhe tinëzar. Nëse SBASHK-u, MASH-i dhe institucionet tjera nuk janë bashkë, viti i ri shkollor do të fillojë, por do të ketë probleme”, deklaroi ndër të tjera Rrahman Jasharaj.