Kreu i Vetëvendosjes, Albin Kurti, njëherit kandidat për kryeministër nga kjo parti ka prezantuar një aderim të ri.
Kurti ka bërë të ditur se Shkumbin Halabaku nga Pozharani i Vitisë i cili ka kryer studime jashtë vendit është anëtari më i ri i VV-së.
Kurti thotë se me të rinj e të reja profesioniste që kanë mbaruar studimet jashtë e brenda vendit, dhe me qeverinë e VV-së pas zgjedhjeve të 14 shkurtit, Kosovën e pret një e ardhme e ndritur, shkruan Reporteri.net.
Postimi i Kurtit:
Shkumbin Halabaku nga Pozharani i Vitisë u anëtarësua në VETËVENDOSJE!.
Ai ka përfunduar për shkenca politike në Kolegjin Utica në New York, ndërsa studimet e nivelit master në shkenca politike, integrim e qeverisje në Universitetin e Salzburgut në Austri.
Tani punon si asistent në këtë Universitet dhe ligjëron lëndë të ndryshme që janë të përfshira në drejtimin e marrëdhënieve ndërkombëtare dhe negociatave ndërkombëtare.
Shkumbini është anëtari më i ri të cilit sot i urova mirëseardhje në Lëvizje.
Me të rinj e të reja profesioniste që kanë mbaruar studimet jashtë e brenda vendit, dhe me qeverinë tonë të re pas zgjedhjeve të 14 shkurtit, Kosovën e pret një e ardhme e ndritur.