Kryetari i LDK-së, Lumir Abdixhiku ka kritikuar kryeministrin Albin Kurti për vizitat e shpeshta në Shqipëri në kohë fushate atje.
Abdixhiku ka thënë se për çdo dy orë vdes një kosovar nga COVID-19, ndërsa ka thënë se Kurti i cili për dy javë ka qenë katër herë në Shqipëri, nuk e ka vizituar asnjëherë QKUK-në.
- Advertisement -
“Për çdo dy orë një kosovar vdes nga COVID, kryeministri ka vendosur të bëjë fushatë në Shqipëri, për dy javë kryeministri ka vizituar katër herë Shqipërinë, ndërsa Klinikën Infektive këtu të mbushura me 975 pacientë as edhe një herë, i bëjë thirrje që të bëjë këtë vizitë sa më parë, të kuptojë nga afër gjendjen e njerëzve tanë, pacientëve, mjekëve dhe gjitha atyre që përballen me këtë krizë. I bëjë thirrje që punën e parë çdo mëngjes ta nis nga QKUK”, ka thënë Abdixhiku në fjalimin e tij në Kuvend ku po debatohet për gjendjen me pandeminë.