Kryetari i Lëvizjes Vetëvendosje, Albin Kurti, ka premtuar eliminimin e varfërisë ekstreme në Kosovë, përgjatë kohës së qeverisjes së tij.
- Advertisement -
Kurti ka thënë se përafërsisht 100 mijë qytetarë në vend jetojnë me më pak se 1 euro në ditë – kjo sipas tij është rezultat i drejtpërdrejtë i korrupsionit dhe keqmenaxhimit.
“Përafërsisht 100,000 qytetarë të Kosovës jetojnë me më pak se 1 euro në ditë, një rezultat i drejtpërdrejtë i korrupsionit dhe keqmenaxhimit. Skemat tona të qeverisjes së mirë dhe shoqërore do të zhdukin varfërinë ekstreme, do të luftojnë korrupsionin dhe do të rikthejnë ndjenjën e drejtësisë në shoqërinë tonë” është shprehur Kurti.