Arbër Sadiki është emëruar në pozitën e drejtorit të Urbanizmit në Komunën e Prishtinës.
Lajmin për emërimin e tij e ka bërë të ditur kryetari i Komunës, Përparim Rama.
Po kush është drejtori i ri që do të synojë ta zgjidh katrahurën infrastrukturore në Kryeqytet.
Arbër Sadiki u lind në vitin 1977 në Prishtinë, dhe është arkitekt, pedagog, kritik.
Ai ka diplomuar në Universitetin Politeknik të Tiranës, ndërsa ka titullin e doktoraturës në Universitetin e Beogradit, i fokusuar në marrëdhëniet ndërmjet rrethanave sociale dhe arkitekturës në Prishtinë ndërmjet viteve 1945-1990.
Ndihmës kurator i pavijonit të Kosovës në Bienalen e 14-të të Venecias.
I nominuar për Çmimin Aga Khan për Arkitekturë, Gjenevë. Fitues i çmimit “Çmimi Vjetor për Punë Shkencore në fushën e Trashëgimisë Kulturore”, 2020, dhënë nga Ministria e Kulturës, për botimin e tij me titull: “Arkitektura e objekteve publike në Prishtinë: 1945-1990, faktorë social dhe formësues”.
Që nga viti 2012 ligjëron në Fakultetin e Arkitekturës dhe Urbanistikës, UBT, Prishtinë. Në vitin 2018 dhe 2019 si pjesë e programit të shkëmbimit Erasmus të stafit akademik, ai dha mësim në Universitetin e Shkencave të Aplikuara Anhalt, Dessau, Gjermani.