Përveç infrastrukturës së fortë partiake, levave të pushtetit, skenës mediatike dhe disiplinës së fortë partiake, qeveria e SNS-së dhe lideri i saj Aleksandar Vuçiq nuk do të kishin qëndruar për aq gjatë pa shërbimet e ekspertëve të marketingut nga Izraeli.
Asaf Eisin dhe Tal Hanan janë pjesë e makinerisë propagandistike dhe mediatike të Vuçiqit, të cilët që nga viti 2008 e kanë ndihmuar Vuçiqin gjatë fushatës por edhe gjatë paraqitjeve të tij të përditshme.
Ata janë në krye të gjithçkaje – krijimi i aferave të rreme, vendosja e informacionit, krijimi i fushatave për zgjedhje dhe shkatërrimi i karrierës së kundërshtarëve politikë, ndërsa çmimi i shërbimeve të tyre mbetet një mister i madh.
Sondazhet e opinionit publik, fokus grupet dhe shërbimet e marketingut të agjencive të konsulencës politike janë bërë një hap i pashmangshëm për partitë për të fituar zgjedhjet dhe për të qëndruar në pushtet. Ishin shërbimet e ekspertëve të njohur izraelitë të marketingut, Asaf Eisin dhe Tal Hanan, që e ndihmuan Vuçiqin të fitonte të gjitha zgjedhjet në 10 vitet e mëparshme dhe të qëndronte në pushtet për një dekadë të plotë.
Këta janë partnerët e Vuçiqit që e ndihmojnë atë të krijojë me kujdes një fushatë, të qeshë ose të jetë serioz kur është e nevojshme, ose si të tregtojë një përmbajtje të caktuar për publikun.
Personalisht, Vuçiq ka thënë në të kaluarën se është shok me Asafin dhe se pa shërbimet e tij nuk do të kishte arritur rezultatet që ka.
“Eisin ka qenë miku im për gati një dekadë. Falë sugjerimeve të tij, e zvogëlova avantazhin e Bogdanoviqit në zgjedhjet për kryetar të Beogradit në vitin 2004 nga 16 në vetëm 0,5 për qind. Më ka ndihmuar atëherë, na ndihmon edhe tani dhe do të na ndihmojë gjithmonë”, ka thënë dikur Vuçiq, duke folur për zgjedhjet e Beogradit, në të cilat humbi vetëm për disa mijëra vota ndaj Nenad Bogdanoviqit nga DS.
Vuçiq thoshte se arsyeja e humbjes së tij ishte se ai pushoi një ditë në fund të fushatës dhe se po të kishte vizituar fundin e komunës në Beograd, suksesi i tij do të ishte i plotë.
Sido që të jetë, pas fitoreve të Vuçiqit në zgjedhje qëndron nënshkrimi dhe vula e ekspertëve të marketingut nga Izreal.
Asaf dhe Tal – izraelitë që garantojnë suksesin e SNS dhe ndihmojnë në përhapjen e dezinformatave dhe propagandës
Asaf Eisin i përket shkollës së konsulencës politike të themeluar nga Tal Silberstein – një konsulent politik dhe sipërmarrës izraelit, më i njohur për publikun perëndimor si një aktor në skandalin që tronditi Austrinë në 2017 dhe e çoi atë në ilegalitet. Në të njëjtën kohë, në Izrael, Silberstein u përball me akuza për pastrim parash.
Ndoshta përshkrimi më i mirë i Eisin është – një njeri nga hijet, dhe një i thellë në atë. Kërkimi në Google për emrin e tij nuk zbulon shumë – ai gjendet në disa raportime mediatike për fushatën në Serbi, kryesisht si “Izraeliti i Vuçiqit”, disa tekste nga mediat malazeze, rumune dhe sllovene, me ndihmën e të cilave është e mundur për të hartuar profilin e biznesit të Eisin. Ai është president i agjencisë konsulente ESBR nga Londra dhe ka bashkëpunuar me politikanë në Slloveni, Bosnjë dhe Hercegovinë, Austri, Serbi dhe Rumani.
Kur bëhet fjalë për Tal Hanan, emri i tij u lidh me “çështjen Mauritius”, e cila u dëshmua me gënjeshtra se lideri i Partisë Liri dhe Drejtësi (SSP) Dragan Gjilas ka llogari sekrete në këtë ishull.
Siç shkruan gazetarët e KRIK-ut, Tal Hanan është një njeri që nga hija merret me rregullimin e zgjedhjeve nëpër botë, prodhon lajme të rreme dhe diskrediton kundërshtarët e klientëve me të cilët punon.
Hanan ishte i lidhur më parë me shitjen e dokumenteve të falsifikuara të llogarisë bankare.
Për këtë arsye ndaj tij është zhvilluar një hetim në Zvicër, por procedura është pezulluar për shkak të mungesës së provave.
Han ndikoi drejtpërdrejt në përhapjen e dezinformatave në lidhje me “Aferën e Mauritiusit”, ku përmes tabloideve reklamohej se Dragan Gjilas kishte llogari bankare sekrete në Mauritius. Kjo u nxit nga deklarata e Vuçiqit, e cila u ndoq nga mediat e kontrolluara nga qeveria.
“Pa Asafin dhe Talin nuk do të ishte as Vuçiq në skenën politike”
Eksperti i mediave dhe komunikimit Igor Avzhner pohon se pa shërbimet e Asaf dhe Tal, Vuçiq nuk do të kishte qenë në skenën politike për një kohë të gjatë.
“Asaf fillimisht bashkëpunoi me Boris Tadiqin, pas së cilës praktikisht e mori Vuçiqin. Kjo ndodhi pasi Boris Tadiq u zgjodh në zgjedhjet e vitit 2008. Asaf ishte përgjegjës për ribërjen e imazhit të Vuçiqit nga një radikal në një progresist pro-evropian. Që kur kanë filluar të bashkëpunojnë, që po e përsëris, në vitin 2008, bashkëpunimi i tyre nuk është periodik dhe ciklik, por i përhershëm dhe konstant. Pa hulumtimin që ata bëjnë, fokus grupet dhe hulumtimet, komunikimin verbal dhe joverbal, Vuçiq nuk do të kishte qenë në skenën politike për një kohë të gjatë”, nënvizon Avzhner.
Siç vë në dukje bashkëbiseduesi i Nova-s, duke pasur parasysh se e njeh mënyrën e punës së Asafit dhe Talit, nuk përjashton mundësinë që të jenë ata që kanë ndihmuar në kapjen e skenës mediatike në vend.
“Krijimi i informacionit, shpërndarja e informacionit dhe dezinformimi, por edhe shtyrja e programeve të realitetit që ngatërrojnë njerëzit, besoj se vijnë nga këta njerëz. Sa më pak të aftë të jenë njerëzit për të menduar kritik, aq më lehtë do të jetë manipulimi i medias. Populli nuk është i aftë funksionalisht të njohë se çfarë është gënjeshtër dhe çfarë është e vërteta”, thekson eksperti i medias dhe komunikimit./Express