Një 69 vjeçar nga Kosova ka humbur jetën derisa po qëndronte në Qendrën Turistike në Mavrovë të Maqedonisë Veriore.
Bëhet fjalë për Nimon (Mustafë) Osmanin nga Zhabari i Mitrovicës i cili në Mavrovë që është qendër e njohur turistike kishte shkuar për pushime së bashku me familjen, gruan, djalin, rejën dhe nipërit e tij.
Reporteri.net ka biseduar me familjarë të tij të cilët kanë thënë se me kërkesë të mjekut Nimon Osmani ishte nisur drejt Mavrovës, që njihet për ajrin e pastër për t’u shëruar, mirëpo ka mbetur i vdekur si pasojë e një sulmi në zemër.
Nimon Osmani i cili kishte pasur probleme me zemër dhe kishte të vendosura edhe stenta, në momentin e sulmit ndodhej në korridorin e hotelit. Ndonëse u transportua me autoambulancë ai nuk arriti t’i mbijetojë sulmit.
Varrimi i të ndjerit është bërë sot.