I ashtuquajtur drejtor i Zyrës për Kosovën në qeverinë e Serbisë, Marko Djuric është emëruar ambasador i Serbisë në Shtetet e Bashkuara të Amerikës.
- Advertisement -
Vendimi për emërimin e Djuricit në këtë pozitë është marrë në mbledhjen e sotme të qeverisë së Serbisë, kështu duke u liruar nga detyra e të ashtuquajturit shef i Zyrës për Kosovën.
Djuric u bë i njohur për kosovarët dhe botën kur u zvarrit nga Mitrovica në Prishtina prej Njësisë Speciale të Kosovës.
Ai në vitin 2018 ishte futur ilegalisht në Mitrovicën e Veriut për të mbajtur një takim me strukturat paralele atje, mirëpo Policia e Kosovës intervenoi menjëherë duke e arrestuar dhe dëbuar nga territori i Kosovës.