Ministria e Shëndetësisë ka njoftuar se në 24 orët e fundit janë konfirmuar tetë raste të reja me COVID-19.
Raste të vdekjes nuk janë regjistruar, derisa janë shëruar dhjetë qytetarë.
“Nga 1.353 testime, 8 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 10 qytetarë, derisa numri i përgjithshëm i të shëruarve është 105.422. Në total numri i rasteve aktive është 149”, ka njoftuar Ministria.
Ndërkohë, janë vaksinuar mbi 5 mijë e 400 qytetarë.
“Në 24 orët e fundit janë dhënë 5.438 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 250.658 doza të vaksinës. Deri më sot 63.301 qytetarë janë vaksinuar me dozën e dytë”, thuhet në njoftim.