Themeluesi i Institutit për “Çështje Evropiane” me qendër në Beograd, Naim Leo Beshiri, ka thënë se është kërcënuar që të ketë kujdes për të mos “përfunduar në frigorifer”, për një deklaratë që ia kishte thënë në sy Aleksander Vucicit.
Beshiri në një ngjarje në vitin 2020, i kishte kërkuar presidentit të Serbisë që të ngrihej në këmbë bashkë me të pranishmit për të nderuar shqiptarët e vrarë, të transportuar me frigorifer dhe të varrosur në varreza masive në Batajnicë.
Beshiri thotë se pas dy vjetësh ka marrë kërcënim që të ketë kujdes “mos të përfundoj në frigorifer”
“ Zhvillimet. Në vitin 2020, i kërkoj Presidentit që të ngrihet në këmbë dhe së bashku të nderojmë shqiptarët e vrarë, të transportuar në frigorifer dhe të varrosur në Batajnicë. Ai më dëgjon.2022. Marr kërcënime për “kujdes” të mos përfundoj në “frigorifer”” ka shkruar Beshiri në profilin e tij.
Zbog specifičnog imena, a aludirajući na to da je Albanac – odnosno, pišući komentare na pretpostavljenoj nacionalnoj osnovi – na društvenim mrežama su mu poručili da se „pazi“ jer može završiti u „hladnjači“.https://t.co/9HbLYyu4uc
— Naim Leo BEŠIRI (@NaimLeoBesiri) June 14, 2022