Miroslav Lajcak këtë javë fillon me konsultime për dialogun në mes Kosovës dhe Serbisë, ka konfirmuar zëdhënësi i Shërbimit Evropian për Punë të Jashtme Petar Stano.
Paralajmërimi i konsultimeve vjen vetëm katër ditë pasi Lacak edhe zyrtarisht u emërua si emisar i posaçëm i BE për dialog.
- Advertisement -
Mandati i emisarit të ri të posaçëm të BE është drejtuar kah arritja e normalizimit gjithëpërfshirës të marrëdhënieve në mes Kosovës dhe Serbisë, gjë që nënkupton edhe nisjen e dialogut në mes Kosovës dhe Serbisë”, ka konfirmuar Stano.
Mirëpo një pjesë e mandatit është drejtuar edhe kah përmirësimi i marrëdhënieve të fqinjësisë së mirë në mes partnerëve të Ballkanit Perëndimor.
“Qëllimi është të ndihmohet në tejkalimin e trashëgimisë së kaluarës, por edhe të kontribuohet në efikasitet dhe konsistencë të politikës së BE në Ballkanin Perëndimor”, ka përfunduar Stano.