Takimi i radhës ndërmjet Kosovës dhe Serbisë që ishte planifikuar të mbahej sot në Bruksel, është shtyrë për një kohë të pacaktuar.
Shtyrja e këtij takimi ka ndodhur shkaku i situatës së krijuar nga pandemia e coronavirusit.
Kështu të paktën bëri të ditur të premten, Përfaqësuesi Special i BE-së për dialogun Kosovë-Serbi, Miroslav Lajçak.
Lajçak theksoi se çështja e Asociacionit nuk ishte në rend ditë. Kjo shkaku që, siç kishte thënë ai, njëra palë nuk është e gatshme të diskutojë rreth kësaj çështjeje.
Ndryshe BE nuk ka treguar datën se kur do jetë takimi i radhës mes Prishtinës e Beogradit.
Kosova dhe Serbia janë në bisedime për normalizimin e marrëdhënieve qysh në vitin 2011.
Procesi është zhvilluar gjatë gjithë kohës me ndërmjetësimin e BE-së dhe me mbështetjen e SHBA-së. Këtë muaj në Washington, dy palët kanë arritur një marrëveshje për normalizimin e marrëdhënieve ekonomike.