Deklarata e kreut të Kuvendit Glauk Konjufca, për Ramush Haradinaj, i cili mbrëmë në T7 tha se ish-kryeministri Haradinaj i ka punët shumë keq me korrupsionin dhe sipas tij, është e mundshme që i njëjti të përfundojë në prokurori, ka nxitur reagime të shumta.
Në mesin e personave që ka reaguar është edhe deputeti i AAK-së, Pal Lekaj, duke i thënë Konjufcës së “Ramushi është arrë e fortë”.
Sipas Lekajt, Konjufca ka vazhduar me pretendime të orkestruara vetëm për ta zhvendosur vëmendjen nga keqmenaxhimi i pandemisë.
Reagimi i tij i plotë:
Glauk, tash je Kryekuvendar, më i fuqishëm por prap Ramushi është arrë e fortë.
Glauk mbramë je duke në të njejtat frekuenca valore me regjimin e Serbisë famkeqe. Edhe ata që 20 vite thërrasin, shpifin, trillojnë dhe kërcnojnë me burgos Ramushin dhe Kosovën me shpallë shtet të dështuar.
Ramushi është asht i fort që nuk thyhet! Atë që Serbia nuk mundi t’a bëjë me krimet e pretenduara gjatë luftes, tash ju po vazhdoni me pretendime te orkestruara.
Për kend dreqin po punoni.
Nuk mund ti mashtroni qytetaret me rrena për ta zhvendosur vemendjen nga keqmenaxhimi i Qeverisë Kurti, nga vjedhjet , emrimet e familjareve nipave e tezeve dhe fatkeqesisht vdekjeve e më të dashureve tanë nga Covid 19 nga keqmenaxhimi e injoranca e juaj!