Këshilli i Përgjithshëm i Qendrës së Vetëvendosjes në Prishtinë ka votuar 8 kandidatë për deputetë.
Media ka siguruar listën e votave nga ky proces i votimit, ku renditja është si në vijim:
Albin Kurti 113 vota
Arben Vitia 92
Glauk Konjufca 87
Albulena Haxhiu 85
Liburn Aliu 74
Xhelal Sveqla 71
Fitore Pacolli 65
Hatixhe Hoxha 40
Këta janë emrat që kanë marrë votat e mjaftueshme, ku bie në sy që pas Albin Kurtit emri më i votuar është ai i Arben Vitisë, ish-ministrit të Shëndetësisë.
Madje Vitia renditet më mirë sesa disa nga themeluesit e VV’së. Ai lë pas Glauk Konjufcën, Liburn Aliun e Xhelal Sveçlën, e po ashtu edhe ish-ministren e Drejtësisë, Albulena Haxhiun.
I veçantë në këtë listë është emri i Hatixhe Hoxhës, e cila ka qenë edhe më herët në garë zgjedhore. E po ashtu edhe emri i Xhelal Sveçlës, i cili kishte dështuar të kalojë këtë proces herën e fundit.
Express ka siguruar edhe emrat e atyre që nuk kanë marrë votat e mjaftueshme, ku mes tyre janë tre deputetë nga legjislatura e fundit. Bëhet fjalë për ish-deputetët Eman Rrahmani, Mefail Bajçinovci dhe Fitim Uka.
Lista e plotë e atyre që dështuan në garën e votimit është si në vijim:
Eman Rrahmani 48
Mefail Bjaçinovci 36
Nazlie Bala 36
Arbër Vokrri 33
Fitim Uka 32
Halit Zeneli 26
Veron Hasani 19
Gëzim Kastrati 14
Lumnije Mikullovci 14
Bahtije Meli 13
Esma Bunjaku 10
Getoar Mjeku 8
Në këtë garë mungon edhe emri i Tinka Kurrit, ish-zyrtares për media të kësaj partie, e cila në zgjedhjet e fundit ishte në garë për deputete.
Partia e Kurtit sot ka mbajtur mbledhjen e Këshillit të Përgjithshëm, ku është propozuar Albin Kurti për kryeministër dhe nga ku pritet përpilimi i listës së plotë.