Lladrovci në humor me Ahmetin: Pagesa për autostradën që i takojnë Drenasit, do të mund të bëhej në Golesh

Kryetari i Komunës së Drenasit, Ramiz Lladrovci, përmes një postimi në FB ka treguar se sot ka takuar të parin e Prishtinës, Shpend Ahmeti.

Ai thotë se në shpejtësi kanë trajtuar edhe taksën për parking që po komentohet tej mase.

Derisa si gjithmonë, Lladrovci e ka edhe një “mesele”.

Ky është postimi i tij:

Sonte e takova Kryetarin e Prishtinës, Shpendin, mikun tim, dhe ishte rast ta trajtojmë në shpejtësi çështjen e taksës për parking.

Pagesa për autostradën që i takojnë Drenasit, do të mund të bëhej në Golesh, do të vlente edhe për një lojë guxhas ose pitpitak, si dhe për parkim dyorësh te Stadiumi nacional.

Për pengesa, ia kemi marrë dorën moti!