Bernard Challandes, trajneri i Kombëtares së Kosovës sot zbuloi listën e lojtarëve për ndeshjet e muajit mars.
Kombëtarja e Kosovës gjatë këtij muaji luan tri ndeshje tejet të rëndësishme. Luan miqësore ndaj Lituanisë dhe dy ndeshje për parakualifikimet në Kupën e Botës ‘Katari 2022’, ndaj Suedisë dhe Spanjës.
| This is #Kosovo’s official squad list for upcoming March Qualifiers against Sweden and Spain, and the friendly against Lithuania. #KOSLTU | #KOSSWE | #ESPKOS pic.twitter.com/HTVseWLxg0
— Kosovan Football | (@kosovanfooty_EN) March 17, 2021
Në këtë listë është befasi e madhe mos-ftesa e sulmuesit të Ballkanit, Mirlind Daku.
Daku ka mbi supet e tij plotë 25 gola në Superligë. Lojtari kosovar po kalon në formë fantastike dhe prapë nuk është futur në listën e lojtarëve për këto ndeshje.
Në anën tjetër, është ftuar lojtari i APOEL-it, Atdhe Nuhiu – i cili nuk ka shënuar asnjë gol gjatë sezonit të ri në ligë me ekipin nga Qipro.
Te lista e Challandesit figurojnë vetëm dy sulmues klasik. Është Vedat Muriqi dhe Atdhe Nuhiu.
Madje, si sulmues Challandesi e ka llogaritur edhe Benjamin Kolollin – ky i fundit ka vetëm 30 minuta në 15 ndeshjet e fundit të Zurich.