Ministri Lumir Abdixhiku ka thënë se në këtë krizë ka dhe një lajm të mirë.
Përmes një postimi në Facebook, ai ka treguar se është përmirësuar rrënjësisht cilësia e ajrit në qytete, për shkak të reduktimit të qarkullimit të aktivitetit publik.
Ai ka bërë thirrje që të qëndrojmë në shtëpi dhe kur të dalim, të mendojmë seriozisht për transformim rrënjësor të transportit publik.
Postimi i tij i plotë në Facebook:
E në gjithë këtë krizë, megjithatë, ka një lajm të mirë. Si rezultat i reduktimit drastik të qarkullimit e aktivitetit publik, cilësia e ajrit nëpër qytetet tona është përmirësuar rrënjësisht, Përqendrimet e Dioksidit të Azotit (NO2) kanë rënë për plot 50%.
Këto janë të dhënat që morra sot nga Agjencioni për Mbrojtjen e Mjedisit dhe Instituti Hidrometeorlogjik; të dyja trupa në kuadër të Ministrisë.
Rrini në shtëpi. Edhe pak.
Kur të dalim, të mendojmë seriozisht për transformim rrënjësor të transportit publik.