Të enjten, vëlla i madh i ka sfiduar banorët e Big Brother VIP me një lojë pyetje-përgjigje.
Mes shumë pyetjeve nga historia dhe gjeografia, banorët e spektaklit më të ndjekur në Shqipëri treguan njohuri shumë të cekëta shkollore.
I pari nisi tenori Armaldo Kllogjeri, i quajtur në shtëpi si Maestro.
Megjithëse mund të jetë një maestro (mjeshtër) në muzikë, ai duket se i ka të pakta njohuritë mbi gjeografinë, dhe aq më pak shtetin fqinjë të Shqipërisë – Kosovën.
Kjo pasi ai u përball me pyetjen e parë nga loja e cila ishte: “Me sa shtete kufizohet Kosova?”.
Ai filloi të përgjigjej mirë duke përmendur tri vendet e pari (Shqipërinë, Malin e Zi dhe Maqedoninë e Veriut), deri në momentin kur tha shtetin e katërt, duke u përgjigjur: “Jugosllavia”.
Në fakt, Jugosllavia ka qenë një bashkësi shtetesh ballkanike (pjesë e së cilës ka qenë edhe Kosova), e cila është shpërbërë para 31 vitesh.
Më pas ka qenë Luizi ai i cili e ka korrigjuar Armaldon, duke i thënë se është Serbia shteti i fundit me të cilin kufizohet Kosova