Albin Kurti pritet të votohet sot si kryeministër i ardhshëm i Republikës së Kosovës gjatë seancës së sotme të Kuvendit. Ai tregoi se në programin e tij parashihej që të kishte shërbim ushtarak të detyrueshëm.
Sipas kësaj pike, të rinjtë dhe të rejat e Republikës së Kosovës do të detyroheshin që të kryenin shërbimin ushtarak i cili do të zgjaste tre muaj.
Por, Kurti nuk tregoi se cilat grupmosha do t’i prekë një ligj i tillë
Minimiumi legal i moshës për të filluar shërbimin ushtarak është në shumicën e vendeve të botës 18. Në Shqipëri, për të kryer shërbimin ushtarak i cili ka karakterin vullnetar, mosha minimale është 19.
Më pas, në rastin e mobilizimeve të përgjithshme/parciale të detyrueshme mosha minimale është 18.
Angola e ka moshën për shërbimin ushtarak prej 20 deri në 45 vjeçare.
Edhe vendet e tjera e kanë moshën 45 vjeçare si moshën e fundit me të cilën mund të kryesh shërbimin ushtarak.
Kosovarët ishin përballur me shërbimin e detyrueshëm ushtarak edhe gjatë periudhës së Jugosllavisë, me shumë prej tyre që nu kishin pasur përvoja të mira gjatë asaj kohe.
Kujtojmë se Kurti ka premtuar edhe rritjen e buxhetit për ushtri në plot 400 milionë euro për katër vitet e ardhshme.