Mërgim Lushtaku nga Partia Demokratike e Kosovës ka qenë sot deputeti më i ‘zëshëm’ në Kuvendin e Kosovës.
Lushtaku së bashku me kolegët e opozitës kanë krijuar zhurmë për t’ia pa mundësuar vazhdimin e seancës pozitës.
- Advertisement -
Por siç duket këtij të fundit i ka penguar zhurma e shkaktuar nga ai dhe grupi i tij parlamentar. Për të mos e dëgjuar zhurmën të cilën e bënin ai dhe kolegët nga opozita ka vendosur kufjet derisa vazhdonte ta godaste me shishë tavolinën herë nga foltorja herë nga ulësja e tij.
Lushtaku ka dalë edhe te foltorja e Kuvendit duke goditur me shishe të ujit tavolinën teksa flisnin deputetët e VV-së dhe ministri i Financave, Hekuran Murati.
