Gazetari Milaim Zeka ka njoftuar se ka dhënë dorëheqje nga pozita e tij e punën në Radio Televizionin e Kosovës, RTK. Këtë e ka bërë me arsyetimin se “klasa e re politike ka për qëllim shuarjen e këtij mediumi”.
Megjithatë, Zeka nuk është shkëputur plotësisht nga meidat, duke thënë se do të jetë aktiv në mediat kosovare, të Shqipërisë dhe ato të Maqedonisë.
Ai gjithashtu ka krahasuar kryeministrin Kurti me presidentin rus, Vladimir Putin, duke paralajmëruar se do të dështojnë të dy.
“Ashtu sikurse Putini qe po bene Iuftë me te gjithe, edhe “çlirimtaret” e 14 shkurtit po e zgjerojne frontin e Iuftës. Edhe Putini, edhe keta, kane me deshtu me turp” ka thënë Zeka në njoftimin e bërë në Facebook.
Ky është shkrimi i plotë i tij:
Njoftim
Te nderuar kolegë, dhe kolege
Duke i pa zhvillimet dramatike ne RTK, duke e pare qe klasa e re politike ka per qellim shuarjen e ketije mediumi publik, kam vendosur te jap doreheqje nga vendi im i punes.
Rrugetimi im mediatik do te jet me mediat ne Kosove, Shqiperi, Maqedoni, dhe vendet e tjera perendimore.
Ashtu sikurse Putini qe po bene Iuftë me te gjithe, edhe “çlirimtaret” e 14 shkurtit po e zgjerojne frontin e luftes. Edhe Putini, edhe keta, kane me deshtu me turp!!!
Faleminderit te gjithe atyre njerezeve te mire te RTK-se, me te cilet kemi punuar qe 20 vite.