Ministria e Punëve të Brendshme përmes një njoftimi ka bërë te ditur se që nga nesër, Agjencia për Regjistrim Civil e kësaj ministrie, do të fillojë të shpërndajë patentë-shoferët ndërkombëtarë, pas fillimit të prodhimit javën e kaluar.
- Advertisement -
Në një ceremoni që do të mbahet nesër, ministri Agim Veliu do të ndajë patentë-shoferin e parë ndërkombëtarë.
Ministria e Punëve të Brendshme nuk ka dhënë edhe shume informacione se cili është dallimi mes patentë-shoferit aktual, me atë ndërkombëtarë, ku dihet tashmë se shumë qytetarë të Republikës së Kosovës janë duke pritur që të nënshkruhen marrëveshje me shtetet e BE-së, për njohjen ndërkombëtare të patentë-shoferëve kosovar, sidomos për mërgimtarët tanë që jetojnë në Gjermani dhe Zvicër.