Ministri i Jashtëm i Serbisë, Nikola Selakoviq, ka takuar sot në Torino të Italisë, ministren e Jashtme të Islandës, Thordis Kolburn, të cilës thotë se ia ka bërë të ditur qëndrimin e Serbisë për çështjen e anëtarësimit të Republikës së Kosovës në Këshillin e Evropës.
“Ministri Selakoviq pati një takim me ministren e jashtme të Islandës. Ai e informoi kolegen për pozicionin e Serbisë për aplikimin e Kosovës për anëtarësim në Këshillin e Evropë”, thuhet në njoftimin e ministrisë së Jashtme të Serbisë.
Sot në Torino të Italisë mbahet mbledhja e Komitetit të Ministrave të Këshillit të Evropës. Gjatë gjithë këtyre ditëve ka pasur kërkesa që në rend dite të këtij takimi të përfshihet edhe aplikimi i Kosovës për anëtarësim, megjithatë s’ka pasur sinjale se diçka e tillë do të ndodh. Ndërkohë pritet të shihet se si do të ecë takimi sot në Torino dhe nëse do të ketë ndonjë ndryshim.
FM #Selakovic had a meeting w/ @thordiskolbrun, head of @MFAIceland. FM informed his 🇮🇸colleague about 🇷🇸 position on the submition of the so-called Kosovo for membership in the @coe. Situation in 🇺🇦 also discussed. Minister invited 🇮🇸 colleague to visit 🇷🇸.#CoEPresIT pic.twitter.com/RidyvcSNgV
— MFA Serbia 🇷🇸 (@MFASerbia) May 20, 2022