Jashtë sallës së lindjes ishte e gjithë familja, gati për të festuar ditën më të bukur në 22 vitet e jetës së Kaminiben Chanchiya, e cila do të sillte në jetë fëmijën që aq shumë e dëshironte.
Por brenda në sallën e lindjes po konsumohej një tragjedi. Mjeku P. J. Lakhanisi, u paraqit i dehur në momentin që nisi operacionin, duke e kthyer gjithçka në tragjedi.
- Advertisement -
Kur salla u hap, të afërmit po prisnin të gëzuar, por një mjek u paraqit me pamje funerali, për t’iu thënë se foshnja kishte vdekur dhe se gruaja kishte shumë hemorragji dhe ndodhej në gjendje kritike.
Tashmë pritet autopsia e nënës dhe foshnjës, për të përcaktuar saktësisht shkakun vdekjes. Paraprakisht dyshohet se mjeku ishte aq i dehur, sa që nuk mund të çonte me sukses deri në fund një ndërhyrje të tillë.