Deputeti boshnjak Asim Sarajlic, i cili u fut në “listën e zezë” të SHBA-ve në mesin e zyrtarëve dhe ish-zyrtarëve të Ballkanit Perëndimor, dha dorëheqje nga të gjitha pozitat në Parlamentin e Bosnjë-Hercegovinës.
Televizioni N1 raporton se Sarajliç është tani ish-kryetar i Grupit Boshnjak në Dhomën e Popullit, Kryetar i Komisionit të Përbashkët Parlamentar për Mbrojtjen dhe Sigurinë dhe Kryetar i Delegacionit të Parlamentit të BiH në Asamblenë Parlamentare të NATO-s.
Duke shpjeguar lëvizjen e tij, Sarajlic tha se ishte detyrë e tij të jepte dorëheqje pas vendimit të qeverisë amerikane.
“Si një person përgjegjës, për të cilin interesi i shtetit është mbi gjithçka, nuk do të doja të jem pengesë në zbatimin e planeve të përbashkëta strategjike dhe partneritetit të Bosnjës dhe Hercegovinës dhe SHBA-së”, tha Sarajlic.
Ai pret që të gjitha akuzat nga vendimi i qeverisë amerikane dhe provat e mundshme t’i dorëzohen gjyqësorit boshnjak, duke shtuar se është i bindur se do të provojë pafajësinë e tij në një gjyq të drejtë.