Një anëtari pro-rus të audiencës i është kërkuar të largohet nga një studio televizive pasi një pyetje e tij në lidhje me agresionin rus të Ukrainës nxiti reagime.
Sipas mediave të huaja, përcjell Telegrafi, prezantuesi Stan Grant i kërkoi Sasha Gillies-Lekakis të largohej nga studio pasi ai kishte bërë më parë një pretendim se si Rusia po portretizohet në media.
“Si dikush që vjen nga komuniteti rus këtu në Australi, unë kam qenë shumë i indinjuar nga narrativa e përshkruar nga mediat tona, me Ukrainën si djalin e mirë dhe Rusinë si djalin e keq”, tha Gillies-Lekakis.
“ Besojeni apo jo, ka shumë rusë këtu dhe në mbarë botën që mbështesin atë që Putini bën në Ukrainë, duke përfshirë edhe mua. Që nga viti 2014, Ukraina ka rrethuar popullsinë ruse në Donetsk dhe Luhansk në mënyrë të paprovokuar, duke vrarë rreth 13,000 njerëz”, ka thënë tutje ai.
Has Western media lacked nuance in its depiction of the Russia-Ukraine conflict, and ignored Russian voices who support Putin? #QandA pic.twitter.com/E4j1oIff3S
— QandA (@QandA) March 3, 2022
Gillies-Lekakis u ndërpre më pas nga një anëtar tjetër i audiencës, i cili bërtiti: “Kjo është një gënjeshtër” dhe “Mos e bëni këtë, është propagandë”.
Dhe ndërsa pyetja u diskutua shkurtimisht nga paneli, Grant iu kthye atij më vonë për të shprehur se sa “e pakëndshme ishte të kesh zotin Gillies-Lekakis në audiencë”.
“Diçka më shqetëson, duhet ta pranoj, pasi ne kishim pyetjen e Sashës më herët për Rusinë”, tha Grant.
“ Sasha, njerëzit këtu kanë folur për familjen që po vuajnë dhe njerëzit që po vdesin. Ju mbështetët atë që po ndodh, duke dëgjuar se njerëzit po vdesin. A mund të them vetëm – thjesht nuk jam rehat që jeni këtu. Mund të largoheni ju lutem?”.
Gillies-Lekakis u përpoq të protestonte, por Grant vazhdoi.
“ Ju mund të bëni një pyetje, por ne nuk mund të mbrojmë dhunën. Unë ju kisha kërkuar të largoheni”, tha ai.
Ndërsa episodi përfundoi, Grant shpjegoi se pyetja nuk ishte verifikuar përpara se të bëhej.
“Përsëri, falje për ndërprerjen e mëparshme – nuk është gjë e mirë që të përjashtohen njerëzit nga debati”, tha ai.