Nëse keni pasur plane për tu fejuar, atëherë deri me 4 shkurt Qeveria nuk ua lejon ta bëni këtë aheng

Qeveria e Kosovës sonte miratoi masat e reja antiCovid. Në mesin e masave është edhe ndalimi i organizimeve të caktuara.

Në pikën e 34-të të masave të miratuara shkruan: Pavarësisht numrit të personave, ndalohet veprimtaria e klubeve të natës si dhe organizimi i festivaleve, koncerteve, ekskursioneve, pelegrinazheve, dasmave, fejesave, ahengjeve familjare dhe shoqërore, në të gjithë territorin e Republikës së Kosovës.

Me masat e reja ndryshoi edhe orari i gastronomisë. Puna e gastronomisë do të lejohet nga ora 05:00 deri në orën 21:00, ndërsa muzika do të lejohet vetëm deri në orën 20:30.

Masat e reja do të hyjnë në fuqi nesër dhe do të vlejnë deri më 4 shkurt 2022.