Në koalicionin aktual kanë paralajmëruar hyrjen e PDK-së në Qeverinë Hoti pas zhvillimeve të fundit me arrestimet e Tribunalit Special.
Zëvendësministri i Brendshëm nga radhët e Nismës, Zafir Berisha, ka folur për takimet e fundit që janë zhvilluar mes udhëheqësve të insitucioneve dhe partive politike në vend.
Ai ka theksuar se është duke u punuar që të krijohet stabilitet politik në vend.
“Situata është jo e mirë sa i përket stabilitetit institucional. Po punohet të krijohet stabiliteti politik. Kjo nënkupton se duhet të jemi më praktik në situatën ku jemi… Për ta zbërthyer i bie se koalicioni duhet të rritet”, është shprehur Berisha.
I pyetur nëse kjo nënkupton përfshirjen e PDK-së në Qeverinë që drejton Avdullah Hoti, ai është shprehur: “Padiskutim hyrjen e PDK-së. Natyrisht se e dinë edhe ata. Mendoj se është përgjegjësi e liderëve që të gjejnë një gjuhë për ta tejkalojnë këtë situatë”. Tha ai në Klan, duke shtuar se janë kryetarët e partive që duhet t’i japin një zgjidhje kësaj situate.
“Kur do të gjendet zgjidhja nuk e di. Janë kryetarët e partive që duhet t’i japin një zgjidhje kësaj situate”, tha ai.