Gazetari shqiptar Çim Peka, ka thënë se as gjyqi i Sali Berishës dhe as heshtja e kreut demokrat Lulzim Basha, nuk do ta shpëtojnë kryeministrin Edi Rama.
Peka ia ka numëruar të gjitha të “zezat” Ramës, duke thënë se sulmet e ambasadorëve po ia shtojnë përkrahjen opozitës.
Gazetari ia ka përmendur Ramës edhe tentimin për ndarjen e Kosovëst.
Reagimi i Pekës në Facebook:
As gjyqi “Berisha-Blinken” dhe as heshtjet e Bashës nuk e shpëtojnë dot Ramën. Linda, Olsi, Xibraka, inceneratorët, kullat, 110 milion eurot e “Agon” janë aty. Dosja e Dibrës është aty, blerja e votave dhe rikthimi i 900 mijë spiunëve me emrin patronazhistë janë aty.
Tentativa për ndarjen e Kosovës dhe 6 miljet dhuratë për Greqinë janë aty. Kthimi i portit të Durrësit në portën e kokainës “Azi-Evropë” është aty. Sulmet e ambasadorëve vetëm sa i shtojnë përkrahjen opozitës. Rasti i Kosovës është treguesi, urrejtja e popullit të rrjeteve sociale e pasqyron këtë.
Së fundi, 200 milionët e Ramës sipas raportit të OSBE janë aty. Po nuk e bëri kjo opozitë luftën ndaj Ramës dhe sekserëve ndërkombëtarë që duan stabilokracinë dhe jo demokracinë, do ta bëjë dikush tjetër.