Një muaj para mbajtjes së zgjedhjeve të jashtëzakonshme parlamentare që do të mbahen më 14 shkurt, kanë nisur dorëheqjet nga Partia Demokratike e Kosovës.
Dorëheqjet kanë filluar oas dështimit të koalicionit parazgjedhore mes Partisë Demokratike të Kosovës e Nismës Socialdemokrate.
Bekim Muja, anëtari i PDK-së tashmë ka dhënë dorëheqje nga kjo parti e shkak po del të jetë mos arritja e koalicionit me partinë e Fatmir Limajt.
Muja përmes një shkrimi në Facebook është shprehur i zhgënjyer me vendimin e kryesisë së PDK-së.
“I zhgënjyer thellë me vendimin e kryesisë qendrore të PDK, për mos shkuarjen në koalicion me Nismën Socialdemokrate dhe për mos krijimin e një force të përbashkët e cila do i mbronte vlerat sublime të këtij vendi siç është lufta e UÇK”, ka shkruar Muja në llogarinë e tij në Facebook.
Ai ka bërë me dije se do të jetë pjesë e një partie ku ruhet vlerat e Ushtrisë Çlirimtare të Kosovë.