Kryesia e degës së Lidhjes Demokratike të Kosovës (LDK) në Mitrovicë ka njoftuar se në mbledhjen e mbajtur sot, me votë unanime, ka përjashtuar nga grupi parlamentar dhe funksionet tjera të partisë, Armend Agollin dhe Xhyljeta Morina Imeri.
Në njoftim në Facebook thuhet se Agolli dhe Morina që nga mbarimi i procesit të zgjedhjeve lokale “kanë vepruar në kundërshtim me të gjitha qëndrimet e partisë, duke bashkëpunuar me partitë tjera në kundërshtim me interesat e LDK-së, duke mbi votuar vendimet e LDK-së me votat e PDK-së”.
- Advertisement -
“Të njëjtit kanë shkelur mbi besimin që strukturat dhe votuesit besnik të LDK-së u kanë dhënë. Lidhja Demokratike e Kosovës është shtëpia politike e aktivistëve të saj besnik”.
Armend Agolli ishte kandidat i kësaj partie për kryetar të Mitrovicës, por që kishte dalë i treti në zgjedhje.
Më poshtë njoftimi i plotë nga LDK.