Organizata Botërore e Shëndetit dhe shumë ekspertë të shëndetësisë, e kanë vlerësuar vendosjen e maskës mbrojtëse si “armën” kryesore të frenimit të pandemisë së koronavirusit.
Kështu, ndaj qytetarëve të pabindur, shpesh është parë të aplikohen gjoba, e deri tek arrestimet. Një rast i tillë është publikuar në rrjete sociale, ku një vajzë 21 vjeçare nga Viktoria e Australisë u ndalua nga policia pasi ecte rrugëve pa maskë. Kur autoritetet i kërkuan llogari se përse nuk e ka vendosur maskën, e reja refuzoi t’u japë sqarime.
Kjo mesa duket nervozoi policët të cilët reaguan dhe e mbërthyen prej fyti.
Më pas vajza i tha policëve se nuk e mbante maskën për disa arsye shëndetësore.
Megjithatë, edhe pas kësaj dëshmie, vajza u shoqërua për në stacion dhe ndaj saj rëndon akuza e rezistencës ndaj punonjësve të policisë.
