Ish i dërguari i Shteteve të Bashkuara të Amerikës për dialogun Kosovë-Serbi, Richard Grenell, ka publikuar një pjesë të një komunikate të Lëvizjes Vetëvendosje të cilën kjo e fundit e kishte fshirë më herët nga rrjetet sociale.
Grenell ka vazhduar kritikat ndaj liderit të VV-së, Albin Kurtit, për qëndrimin e këtij të fundit rreth lokacionit të Ambasadës së Kosovës në Izrael, ndërsa në komunikatë bëhet fjalë pikërisht për Izraelin.
“Albin Kurti dhe partia e tij, Vetëvendosje, besojnë se Izraeli është ndërtuar nëpërmjet mizorive. Dhe thotë se SHBA-ja dhe Mbretëria e Bashkuar e mbështesin këtë krim”, ka shkruar Grenell.
Ndërkaq, Grenell duke e përfshirë edhe këshilltarin e presidentit amerikan Joe Biden, Jake Sullivan, ka shkruar “ky është diskurs i rrezikshëm për një aleat të SHBA-së”.
Grenelli edhe gjatë ditës së mërkurë ka akuzuar Kurtin se është kundër ambasadave të SHBA-së që prej vitesh, ndërsa një ditë më parë e kishe quajtur antiamerikan.
Albin Kurti and his party VV believe Israel was built by committing crimes. And says the U.S. and the U.K. support this crime.
This is dangerous talk for a US ally. @jakejsullivan pic.twitter.com/lpxBIn2mYU
— Richard Grenell (@RichardGrenell) March 3, 2021