Një papagall është bërë hit në internet, pasi që ai po flet shumë rrjedhshëm disa fjalë në gjuhën shqipe. Papagalli ‘Zoe africangrey’, përveç që din të flas shqip, ai din edhe të imitojë kafshë të tjera.
Papagalli është një zog shtëpie shumë popullor dhe me një larmi llojesh u ofrohet blerësve: secili lloj ka pupla, madhësi, jetëgjatësi dhe temperament të ndryshëm. Grupet e papagajve përfshijnë ndër të tjerë papagajtë afrikanë dhe papagajtë e Amazonës.
Papagajtë ndjehen shumë më mirë kur mbahen në mjedise të mëdha sesa në një kafaz.
Papagajtë kërkojnë shumë hapësirë dhe kujdes, por falë shoqërisë së tyre besnike dhe personalitetit të tyre ia vlen të investoni energjinë dhe kohën e nevojshme për t’u marrë me këtë zog të veçantë.
Me stërvitjen e duhur, disa lloje papagajsh mund të krijojnë një fjalor të madh e të dëfrejnë të zotët dhe vizitorët e tyre.
Në Shqipëri është një papagall që është bërë viral në rrjetin social ‘TikTok’. Ai flet disa fjalë shqip, që janë nga fjalët e dashurisë e deri ato ngacmuese.
‘O zemer të dua shumë’, ‘O zhulaq’, ‘U lava qupa qup’, janë disa nga fjalët që i thotë ky papagall.
Video e tij tani janë trendi në ‘TikTok’ dhe ka mijëra shikime.