Pacollit i kërkohet nga partia e tij ta shpallë kandidaturën për president

Po i vështirësohet rruga për tu bërë president liderit të AAK-së Ramush Haradinaj.

Kjo pasi që siç ka thënë Naim Murseli , këshilltar i Behgjet Pacollit, partia Aleanca Kosova e Re është duke ia kërkuar Pacollit që ta shpallë kandidaturën e tij për presidenti.

Sipas Murselit, në rast të marrjes së detyrës së presidentit, Pacolli do të japë dorëheqje nga pozita e Kryetarit të AKR-së.

“Një pjesë e qytetarëve dhe të shoqërisë civile kërkon që Behgjet Pacolli të shpall kandidaturën e tij për President të Kosovës. Kjo gjë po kërkohet tani edhe nga partia, Aleanca Kosova e Re. Gjithmonë duke respektuar mandatin kushtetues të Presidentit aktual”.

“Si ish-President i vendit, Pacolli ka dëshmuar se i vendos interesat e vendit para ato të tij. Në rast të marrjes së detyrës ai do të jap dorëheqje nga pozita e Kryetarit të AKR-së”.