Familjet Tahiri dhe Habibaj i kanë shtrirë dorën e pajtimit njëri-tjetrit pas lncidentit që kanë pasur mbrëmë në Shipol të Mitrovicës.
Lajmi u bë i ditur nga Xhevdet Tahiri.
Ai i ka kërkuar falje qytetarëve të Mitrovicës për ndodhinë e mbrëmshme.
“Të nderuar qytetarë të Mitrovicës.Familja Tahiri kërkon falje për shqetësimin e mbrëmshëm që ka ndodhur në lagjen Shipol të qytetit të Mitrovicës. Sot Familja Tahiri për hatër të Zotit, familjes, shoqërisë, të gjitha institucioneve dhe të gjithë qytetarëve të Mitrovicës, e shtruam dorën e pajtimit me familjen Habibaj.
Kërkojmë nga mediat që të mos ekzagjerohen situatat e tilla”.
Rasti i mbrëmshme u konfirmua edhe nga zëdhënësi i policisë për rajonin e Mitrovicës Avni Zahiti.
“Sonte rreth orës 22:00, është raportuar se në rrugën “Dëshmorët e Kombit” në Mitrovicë, ishin dëgjuar të shtëna, njësitet policore kanë dalë në vendin e ngjarjes, ku në cilësi të provës materiale kanë gjetur një gëzhoj. Nga informacionet e deritanishme nuk raportohet për të lënduar”.