Tenisti serb Novak Djokovic e tronditi botën e tenisit të hënën kur u përjashtua nga US Open për shkak se e goditi me top në fyt gjyqtaren e vijave i mllefosur. Incidenti i tij i shëmtuar nuk ka pasur si mos të ndodhte duke i parë sjelljet e tij në fushë në të kaluarën.
Nuk është hera e parë që numri një i botës e ka shprehur zemërimin e tij në fushën e tenisit duke goditur topin në publik.
33-vjeçari ka raste të shumta zemërimi, të cilin e shpreh me goditjen e topit në mënyrë agresive dhe thyerjen e reketit.
Për këtë, ai ishte paralajmëruar se do të mundë ta lëndonte dike dhe të përjashtohej tamam siç i ndodhi në turneun e sivjetmë të grand slamit US Open.
Më 2016, Djokovic, në vend se të shqetësohej që e goditi topin me forcë drejt e në publik në një ndeshje të ATP Finals në Londër, u tregua arrogant.
Ai për pak sa nuk e goditi me reketin e tij një zyrtar të Franch Open po atë vit.
Në një video të publikuar tani nga ai incident, Djokovic i përgjigjet me mllef dhe arrogancë gazetarit i cili e pyet nëse shqetësohet se kjo sjellje e tij e vrazhdë mund t’i kushtojë shumë një ditë.
Djokovic e nis me të qeshura dhe thotë: “Ju njerëz jeni të pabesueshëm. Pse gjithmonë i prekni këto tema?”
Kur iu tha se ai vazhdon të ketë sjellje të keqe, Djokovic u përgjigj: “Unë vazhdoj ta bëj këtë gjë? Pse nuk më pezullojnë atëherë?”
“Për pak sa nuk e godita? Po, kam mundur ta godas, por edhe ka mundur të bjerë borë në Arenën O2, por nuk ra. Unë jam lojtari i vetëm që e shpreh zemërimin në fushë? A jeni duke thënë kështu?” shtoi ai.
Për më shumë, videoja e plotë më poshtë.
WOW:
#1 Novak Djokovic gets DEFAULTED from #USOpen after a ball he hit in anger struck a lineswoman in head/neck and she fell to ground.
Djokovic pleaded his case for many minutes, but to no avail.
Djokovic was undefeated in 2020 to this point.
Rules are clear, but holy wow.
— Ben Rothenberg (@BenRothenberg) September 6, 2020