Autori i librave për mizoritë serbe në Kosovë, Nusret Pllana, ka deklaruar se janë me miliona materiale e fakte që dëshmojnë mizoritë që Serbia i ka bërë ndaj popullit shqiptar të Kosovës me vite e vite me radhë.
- Advertisement -
Ai tha se lajmi i qeverisë se do të nis përgatitjen e padisë ndaj Serbisë për gjenocid është shpresëdhënës.
“Shpresoj që të konsolidohet shumë shpejt një ekip profesionale sepse kemi aq shumë materiale. Miliona materiale kemi. Është momenti i fundit që ta kryejmë këtë punë se i kemi hyrë në hak gjithë gjakut që është derdhur lum”, deklaroi Pllana.
Ai po ashtu theksoi se lufta e fundit është e vetmja që shqiptarët e kanë arkivuar vet dhe se tash i kemi të gjitha në lista e dokumente.