Presidenti Emmanuel Macron ka del në skenë duke përshëndetur mbështetësit. BBC shkruan se ai falënderoi ata që e votuan, si dhe kandidatët e tjerë që u kërkuan mbështetësve të tyre që ta mbështesin.
Ai u kërkon votuesve francezë të votojnë për të për të bllokuar të djathtën ekstreme nga marrja e pushtetit.
“I ftoj të gjithë, përfshirë ata që nuk më votuan në raundin e parë, të mblidhen pas nesh”, tha Macron.
Ai thotë se shpreson të bindë ata që nuk votuan ose që votuan për kandidatët ekstremë.
“Duke iu nënshtruar populizmit dhe ksenofobisë – kjo nuk është Franca”, tha ai.
Por jo vetëm Macron por edhe kandidatët kryesor për zgjedhjet presidenciale në Francë kanë bërë thirrje të votohet Macron.
Kandidatja konservatore Valerie Pécresse sapo ka folur dhe u ka kërkuar votuesve të zgjedhin Emmanuel Macron në raundin e dytë. BBC shkruan se sipas saj e djathta ekstreme nuk kishte qenë kurrë më afër pushtetit, por se populli francez duhet ti thotë jo ekstremizmit.
“Afërsia historike e Le Pen me Vladimir Putin e diskrediton atë nga mbrojtja e interesave të vendit tonë në këto kohë tragjike. Zgjedhja e saj do të nënkuptonte se Franca do të bëhej e parëndësishme në skenën evropiane dhe ndërkombëtare. Prandaj, dhe pavarësisht nga mosmarrëveshja ime e fortë me Macron . Unë do të votoj për të për të ndaluar Marine Le Pen“, tha Pecresse.
Po kështu, kandidatja e Partisë Socialiste Anne Hidalgo, e cila gjithashtu është mposhtur në votime, u ka thënë ndjekësve të saj që të votojnë Macron në raundin e dytë.
‘ Në mënyrë që Franca të mos bjerë në urrejtje ndaj të gjithëve kundër të gjithëve, ju bëj thirrje solemnisht të votoni më 24 prill kundër ekstremit të djathtë të Marine Le Pen”, tha ajo.
Partia Komuniste Fabien Roussel dhe Yannick Jadot i të Gjelbërve u kërkuan gjithashtu ndjekësve të tyre të votonin për Macron në raundin e dytë për të mbajtur të djathtën ekstreme jashtë pushtetit. Megjithatë të gjitha këto parti së bashku morën vetëm rreth 12% të votave.