Për katër vite, Bekim Jashari është kryetar i Komunës së Skënderajt derisa sot për herë të parë është vizituar nga axha i tij, Rifat Jashari.
Këtë e ka bërë të ditur vetë i pari i Skënderajt, i cili ka njoftuar për vizitën dhe ka thënë se Rifat Jashari është shembulli i sakrificës që i mbushi me forcë e motiv në ditët e para të lirisë.
“Sot më vizitoj në zyrën time, axha im Rifati, njeriu shembull i sakrificës që na mbushi me forcë e motiv në ditët e para të Lirisë dhe kështu vazhdon të jetë çdo herë afër nesh dhe punëve të mira që bëjmë. Mixha Rifat është udhërrëfyesi jonë i jetës, këshillat dhe mësimet e tij për ne dhe gjeneratën e re të familjes sonë janë qenësore në veprimet dhe vendimet që ne marrim”, shkruan Jashari.
Ai po ashtu ka thënë se e ka përmbushur premtimin që i dha axhës që për katër vite të udhëheqë ndershëm me komunën e Skënderajt.
Gja”të këtij mandati qeverisës, në shërbim të qytetarëve, kam punuar me përkushtim që të përmbushë premtimin që i kam dhënë edhe mixhës që do të punojë me nder, në shërbim të secilit qytetar dhe mirëqenies sociale të tyre. Jam tejet i lumtur që puna ime dhe projektet e realizuara po vlerësohen lartë nga mixha Rifat, nga i cili mora përkrahje maksimale edhe për mandatin e dytë në udhëheqje të komunës së Skenderajt, për të vazhduar angazhimin maksimal në shërbim të vendit”, ka shtuar Jashari .
Derisa kjo është vizita e parë që, Rifat Jashari i bën nipit të tij, në përfundim të mandatit si kryetar i kësaj komune, për të cilin do të jetë sërish kandidat për zgjedhjet lokale të 17 tetorit.