Avokati nga Drenasi, Gazmend Halilaj, është plagosur përpara shtëpisë së tij të martën, nga dy persona të cilët kanë shtënë me armë zjarri në drejtim të tij, duke i shkaktuar plagë në trup.
Para dy ditësh kishte një fjalosje me Sami Lushtakun, ku Halilaj tha se u kërcënua nga Lushtaku, i cili tha se është nisur në drejtim të tij.
Mirëpo, i menjëhershëm ka qenë edhe reagimi i Sami Lushtakut, duke e akuzuar për shpfje avokatin.
Anëtari i PDK’së, Sami Lushtaku i ka reaguar avokatit Gazmend Halilajt i cili u plagos sot dhe e lidhi këtë incident të armatosur me emrin e tij, shkruan Gazeta Metro.
Lushtaku ka paralajmëruar padi ndaj avokatit Gazmend Halilajt për shpifje dhe ka thënë se do të jenë organet e rendit ato që do të zbardhin këtë ngjarje.
Ai ka thënë se se avokati Halilaj po vazhdon me shpifje dhe i ka kujtuar se ai akuzohet nga Prokuroria për dhunim të një vajze të miture në Drenas.
Ndërsa në raportin e Policisë së Kosovës thuhet se dy persona të panjohur kanë shtënë me armë zjarri në ajër, pastaj kanë sulmuar fizikisht avokatin.
Pas tentativës personat e panjohuar me automjetin e tyre janë larguar nga vendi i ngjarjes për një drejtim të panjohur.
“Viktima pas tretmanit mjekësor është liruar për shtëpi ndërsa rasti është duke u hetuar nga njësitë relavante policore”, thuhet në raportin 24-orësh të Policisë së Kosovës.