Joe Biden fshiu lotët pasi foli me një infermiere të Kujdesit Intensiv në lidhje me nëntë muajt e saj të fundit duke trajtuar pacientë me COVID-19 ndërsa zbuloi se stafi në spitalin e saj ende nuk kanë pajisje të mjaftueshme dhe se ajo kurrë nuk ka qenë në gjendje të bëjë një test për coronavirus.
Sipas medieve të huaja, përcjell Telegrafi, presidenti i zgjedhur po zhvillonte një takim virtual me punëtorët e vijës së frontit nga një teatër në Delaware të mërkurën, të cilin ai e përdori si një mundësi “për të marrë në shënjestër” administratën Trump për dështimin e tyre për t’iu përgjigjur thirrjeve të infermierëve për ndihmë.
Sidoqoftë, Biden, i cili tha se ai kaloi kohë ‘të konsiderueshme’ në njësitë e Kujdesit Intensiv ndërsa djali i tij i ndjerë Beau luftonte me kancerin e trurit, u prek ndërsa dëgjoi rrëfimin e Mary Turner.
“Ju më keni emocionuar”, i ka thënë Biden, asaj.