Një numër i konsiderueshëm i pjesëtarëve nga komuniteti serb janë larguar nga FSK-ja në vitet e fundit.
Arsyeja e largimit është presioni nga Serbia që ju bëhet pjesëtarëve serbë të FSK-së, ndërsa kjo pohohet edhe nga Ministria e Mbrojtjes e Kosovës, e cila ka treguar për Gazetën Online Reporteri.net se gjatë vitit 2021 janë larguar nga FSK-ja 3 pjesëtarë nga komuniteti serb.
- Advertisement -
“Gjatë vitit 2021 nga radhët e komunitetit serb 3 pjesëtarë e kanë lëshuar (janë demobilizuar) FSK-në. Duhet të theksojmë presionin e vazhdueshëm nga Serbia që pjesëtarët e këtij komuniteti të lëshojnë FSK-në”, ka thënë për Reporteri.net Ibrahim Shala, Drejtor i Zyrës për Marrëdhënie me Publikun në Ministrinë e Mbrojtjes.
Ndryshe, numri i përgjishëm i pjesëtarëve të demobilizuar gjatë vititi 2021 është 53.