Një nuse duket se nuk kishte shumë më fat, kur iu prish vetura me të cilën po udhëtonte në ditën e dasmës. Megjithatë, asaj në ndihmë i doli një veturë e pazakontë.
Lydia Evans-Hughes, 29 vjeçe, u transportua me veturën e policisë deri në kishë, pasi vetura e modelit të vjetër me të cilën po udhëtonte nusja e la në rrugë në autostradën A55, afër Chester-it në Britani, shkruan Daily Mail.
- Advertisement -
Megjithatë, asaj iu hoq brenga, kur në vendin e ngjarjes arriti një veturë e policisë, ndërsa polici Matt Geddes u sigurua që gruaja me fustan të bardhë të shkonte me kohë në kishë në ditën e veçantë të saj.
Më pas, dhëndri dhe nusja patën mundësi që ta konfirmojnë dashurinë e tyre me nga një “po” para familjarëve dhe miqve në Kishën e Shën Mërisë në Eccleston.