Prizrenasit e fillojnë me vrull vitin 2022, shkatërrojnë dekorimin në qytet

Mbrëmë zyrtarisht kosovarët shënuan duke festuar në mënyra të ndryshme ndrrimin e moteve.

E për t’u përgatitur për një atmosferë sa më festive që edhe e karakterizon festën e Vitit të Ri, shumë qytete të Kosovës gjatë muajit dhjetor u dekoruan, duke shpenzuar shuma të majme të parave.

Prizreni sivjet shpenzoi 10 mijë euro për zbukurimin e qytetit, shifër e dhënë nga zyrtarë të kësaj komune.

Por, një natë pas përfundimit të festës siç shihet nga pamjet e siguruara nga Gazeta Demos, qytetarët e Prizrenit kanë shkatrruar njërin ndër dekorimet kryesore, numrin “2022”.