Fjala që mungonte në fjalimin e Putinit ishte Mariupoli. Qyteti i një rëndësie të veçantë për Rusinë është përballur me luftimet më të ashpra në këtë luftë si dhe është një tjetër simbol për rezistencën ukrainase kundër forcave pushtuese, shkruan BBC.
Beteja finale për qytetin është duke u zhvilluar në fabrikën e çelikut Azovstal, aty ku luftëtarët ukrainas janë të ngujuar në tunele dhe në bunkera të rrethuar nga trupat ruse.
Në një postim në Telegram, një këshilltar i kryetarit të qytetit tha se forcat ruse kanë filluar sulmet ndaj plantacionit pas ndalimit së një konvoji humanitar që po transportonte pjesën tjetër të civilëve nga qendra, një pretendim që nuk është verifikuar në mënyrë të pavarur.
Të dielën, një një konferencë të jashtëzakonshme nga bunkeri i kompleksit, dy luftëtarë u zotuan që do t’i vazhdojnë luftimet, duke thënë se ata nuk do të dorëzohen.
“Ne nuk do të kemi shanse të larta për të mbijetuar nëse kapemi. Në parim, ne jemi burra të vdekur. Shumica prej nesh e dinë këtë. Kjo është sepse po luftojmë pa frikë”, tha njëri prej tyre.
Kapja e Mariupolit do t’ia mundësonte Rusisë të krijonte një urë tokësorë ndërmjet zonës lindore të Donetskut dhe Luhanskut, pjesë së cilës kontrolloheshin nga separatistët e mbështetur rusë para se të fillonte pushtimit dhe krahinës së Krimeas, e pushtuar dhe e ankesuar nga Rusia në vitin 2014.