Presidenti i Rusisë Vladimir Putin ka urdhëruar edhe 134500 rekrutë të tjerë që t’i bashkohen ushtrisë së tij, ndërsa forcat ruse vazhdojnë të Iuftojnë në Ukrainë.
Putin e nënshkroi dekretin këtë të enjte, ndërsa Ministria e Mbrojtjes komentoi se ky vendim i presidentit nuk ka të bëjë aspak me Iuftën në Ukrainë.
Megjithatë, ky dekret i liderit rus vjen pas 5 javësh Iufte në Ukrainë dhe hasje në një rezistencë e cila për ekspertët ka qenë e paparashikuar nga Moska, duke sjellë edhe mijëra viktima në radhët e ushtrisë ruse.
Pak ditë më parë, ministri rus i mbrojtjes u shpreh se faza e parë e Iuftës në Ukrainë është mbyllur dhe tashmë ata do të përqendroheshin vetëm në rajonin e Donbasit, ndërsa sipas tij, ushtria ka nisur tërheqjen nga Kievi, shkruan a2cnn.
Por këto pretendime të Rusisë nuk janë besuar nga Perëndimi, liderët e të cilit janë shprehur se Vladimir Putin po tenton të fitojë kohë deri në një riorganizim tjetër të ushtrisë së tij.